पञ्चकर्म

पञ्चकर्म आयुर्वेदको एक प्राचीन उपचार पद्धति हो जसले शरीरमा जमेको विषाक्त पदार्थहरू (अम्लपित्त, कफ, वात) हटाएर शरीर र मनलाई स्वस्थ र सन्तुलित बनाउँछ। यसले शरीरका विभिन्न अंग र तन्तुहरूमा जमेको फोहोर सफा गरी रोग प्रतिरोधात्मक क्षमता बढाउँछ र दीर्घकालीन स्वास्थ्यमा सहयोग पुर्याउँछ।

(अभ्यङ्ग) -
अभ्यङ्ग एक प्रकारको तेल मालिस हो जसमा तातो औषधीय तेलले पुरै वा केही भागमा मालिस गरिन्छ। यसले छालालाई पोषण दिन्छ, रगतको संचार सुधार्छ, स्नायू शान्त पार्छ र शरीरमा जमेको विषाक्त पदार्थहरूलाई निकाल्न मद्दत गर्छ। यो मालिसले आराम, गहिरो निद्रा र स्नायु तथा मांसपेशीहरूलाई मजबुती दिन्छ।

स्वेदन :-
स्वेदन भनेको जडीबुटी युक्त बाफको मद्दतले शरीर वा कुनै विशेष भागमा बाफ दिने प्रक्रिया हो। यसले शरीरका प्वालहरु खोल्छ र पसिना निकालेर विषाक्त पदार्थ हटाउँछ। यसले मांसपेशीहरूलाई शान्त पार्छ, कठोरता घटाउँछ र अभ्यङ्गजस्ता उपचारको प्रभाव बढाउँछ।

(शिरोधारा) :-
शिरोधारा एक मन शान्त पार्ने उपचार हो जसमा तातो जडीबुटी यूक्त तेल, दूध महि वा पानी लाई लगातार मस्तकमा /निधारमा खसालिन्छ। यसले तनाव, चिन्ता, निद्रा नलाग्ने समस्या र स्नायुलाई शान्त पार्न मद्दत गर्छ।

(बाह्य बस्ति) :-
बाह्य बस्ति भनेको औषधीय तातो तेललाई विशेष भागहरू जस्तै घुँडा, कम्मर, वा गर्दनमा केहि समय सम्म पिठोले घेरेर रोक्दै राख्ने उपचार हो। यसले दुखाइ, कठोरता र सुजन कम गर्न मद्दत गर्छ।

(संशोधन) :-
संशोधन पाँच प्रकारका प्रमुख शुद्धिकरण प्रक्रिया हुन् — वमन (औषधिय वान्ता), बिरेचन (शुद्ध गर्ने , पखला लगाउने प्रकृया), नस्य (नाकबाट औषधि दिने), बस्ति( शरीरको भित्री भागमा औषधि पठाउने प्रकृया ) र रक्तमोक्षण (रक्तश्राव गराउने प्रकृया)। यी प्रक्रियाले शरीरभित्रका विषाक्त पदार्थ हटाएर वात, पित्त, कफ सन्तुलन मिलाउँछन्।

पञ्चकर्मका फाइदाहरू

• पञ्चकर्मले शरीर र मनमा जम्मा भएका विषाक्त पदार्थहरूलाई हटाएर गहिरो सफाई गर्छ र स्वस्थ्यलाई प्रवर्धन गर्छ।
• यसले पाचन प्रणालीलाई बलियो बनाउँछ र मेटाबोलिजम सुधारेर पोषण राम्रोसँग ग्रहण गर्न र ऊर्जा उत्पादन गर्न मद्दत गर्छ।
• पञ्चकर्मले वात, पित्त र कफ तीनै दोषहरूलाई सन्तुलित गरी शरीरको ऊर्जा सन्तुलनमा ल्याउँछ।
• शरीरलाई सफा पारेर र तन्तुहरूलाई बलियो बनाउँदै पञ्चकर्मले रोग प्रतिरोधात्मक क्षमता र समग्र जीवनशक्ति बढाउँछ।
• यसले स्नायु प्रणालीलाई शान्त पार्छ, तनाव र चिन्ता कम गर्छ, र मानसिक एकाग्रता तथा स्पष्टता बढाउँछ।
• पञ्चकर्मले छालालाई पोषण दिन्छ, छालाको बनावट सुधार्छ र शरीरको लचकता तथा जोर्नीहरूको स्वास्थ्य बढाउँछ।
• यसले पुराना रोगहरूबाट निको हुन मद्दत गर्छ र मांसपेशी, जोर्नी, तथा अंगहरूलाई पुनर्जीवित गराउँछ।

पञ्चकर्म सेवा तथा शुल्कहरू: